Sjálfbærni

Til þess að nýta náttúruauðlindirnar sem hvalirnir eru og ferðirnar okkar eru byggðar á, þurfum við að virða náttúruna og gefa eins mikið til baka og við mögulega getum. Eldingarteymið leitast því við að viðhalda nauðsynlegu vistfræðilegu jafnvægi og hjálpa til við að vernda náttúruna og líffræðilega fjölbreytni.

Markmið okkar er að starfa eftir sjálfbærnnisstefnu sem vísa til viðeigandi jafnvægis-, umhverfis-, efnahags- og menningarlegra þátta í þróun ferðaþjónustu. Við gerum okkar besta að að bjóða ávallt upp á góða þjónustu og byggjum vinnu okkar á stöðlum EarthCheck og Bláfánanum ásamt því að fylgja leiðbeiningum IceWhale.

Ætlast er til að allir starfsmenn Eldingar leggi sitt af mörkum þegar kemur að sjálfbærni og starfi samkvæmt umhverfisstefnu okkar. Við vinnnum náið saman að framkvæmd umhverfisstefnu okkar og gerum hana eins skilvirka og mögulegt er. Við biðjum einnig alla farþega okkar að taka þátt í umhverfisstarfinu um borð, með því t.d. að flokka sorp, þar sem við teljum framlag þeirra mjög mikilvægt.

Skoðaðu hvali og höfrunga með fyrirtæki sem er ábyrgt og annt um lífríki sjávar. Elding hefur verið vottað sem ábyrgt hvalaskoðunarfyrirtæki af World Cetacean Alliance, sem er öflugt bandalag einstaklinga, fyrirtækja og samtaka sem vinna að bestu starfsháttum og sjálfbærni í ferðaþjónustu sem snýr að hvala- og höfrungaskoðun. Saman erum við alþjóðleg rödd þessara dýra.