RIB bátarnir okkar eru einstaklega hentugir fyrir aðstæður í Faxaflóa og eru fullkomnir fyrir litla hópa, allt að 12 manns. Þruma I-V eru aðallega notaðir í Premium Hvala- og Lundaskoðunar ferðirnar okkar í Reykjavík en einnig í sérferðir og hvataferðir fyrir minni hópa.

RIB bátarnir okkar eru einstaklega hentugir fyrir aðstæður í Eyjafirði og eru fullkomnir fyrir litla hópa, allt að 12 manns. Sólfar I & II eru aðallega notaðir í Express Hvalaskoðunar ferðirnar okkar á Akureyri en einnig í sérferðir og hvataferðir fyrir minni hópa.

Báturinn Skrúður var upprunalega byggður sem björgunarbátur í Noregi og var fluttur til Íslands árið 1988 sem ferjubátur. Skrúður kom til Eldingar fjölskyldunnar árið 2012 og var aðallega notaður fyrir sérferðir og sem ferjubátur í Viðey. Við höfum gert smávæginlegar breytingar við bátinn til þess að aðlaga hann betur að ævintýrunum á sjó sem við bjóðum upp á allt árið um kring.

Konsúll var byggður í Noregi árið 1985 og var þar ferjubátur. Hann kom til Akureyrar árið 2016 þar sem hann hefur alla tíð síðan verið frábær hvalaskoðunarbátur fyrir minni hópa.

Hólmasól (áður Fjørtoft and Codrington Arrow) var framleidd af AA MARINE BRODERNE í Hyen, Noregi árið 1988. Áður en að Hólmasól kom til Eldingar fjölskyldunnar dvaldi báturinn um tíma í Noregi, Englandi og Karíbahafseyjum nánar tiltekið í st. Kitts og Nevis sem ferjubátur.

Hafsúlan var byggð sem ferjubátur í Noregi og kom til Íslands árið 1998 þar sem hún varð hvalaskoðunarbátur. Hún kom í hendur Eldingar fjölskyldunnar árið 2007 og er nú ein af okkar aðal bátum. Hún er notuð í hvalaskoðun og norðurljóosasiglingar á veturnar, sem og hinar ýmsu sérferðir fyrir stærri hópa. Við höfum gert margar breytingar á henni svo hún henti betur fyrir farþega í útsýnisferðir, eins og t.d. bætt við útsýnispalli á efsta þilfarið.

Báturinn Gestur var upprunalega smíðaður sem afþreyingarbátur í Bandaríkjunum en fluttur til Íslands seinni hluta 10. áratugarins og var á þeim tíma aðal hvalaskoðunarbáturinn á suður Íslandi. Árið 2007 kom báturinn í hendur Eldingar fjölskyldunnar og hefur verið notaður sem Viðeyjarferjan frá þeim degi og er enn þann dag í dag. Við höfum gert smávægilegar breytingar á bátnum til að aðlaga hann að þjónustunni sem við bjóðum uppá.

Lúxus báturinn Elding II var byggð í Englandi árið 1987 og kom í hendur Eldingar fjölskyldunnar árið 2001. Hún var áður notuð sem ferjubátur í Norðfirði, en hentar nú vel fyrir hin ýmsu ævintýri á sjó, svo sem lundaferðir, sjóstöng og hvalaskoðun.

Elding var upphaflega notuð sem björgunarbátur en kom í hendur Eldingar fjölskyldunnar árið 2000. Síðan þá höfum við gert margar breytingar til að hún henti betur fyrir hvalaskoðun og önnur ævintýri á sjó. Hún er aðallega notuð í hvalaskoðunarferðir og sérferðir á sumrin, svo sem sjóstöng, hvataferðir og sundasiglingar.